ಆಪೋ॒ ಹಿಷ್ಠಾ ಮ॑ಯೋ॒ಭುವಃ॒ । ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಕ್ಷ॑ಸೇ । ಯೋ ವಃ॑ ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ ಹ ನಃ॒ । ಉ॒ಷ॒ತೀರಿ॑ವ ಮಾ॒ತರಃ॑ । ತಸ್ಮಾ॒ ಅರಂ॑ಗಮಾಮವೋ॒ ಯಸ್ಯ॒ ಕ್ಷಯಾ॑ಯ॒ ಜಿ॑ನ್ವಥ । ಆಪೋ॑ ಜ॒ನಯ॑ಥಾ ಚ ನಃ ।
ಪೃ॒ಥಿ॒ವೀ ಶಾಂ॒ತಾ ಸಾಗ್ನಿನಾ॑ ಶಾಂ॒ತಾ ಸಾಮೇ॑ ಶಾಂ॒ತಾ ಶುಚಗ್ಂ॑ ಶಮಯತು । ಅಂ॒ತರಿ॑ಕ್ಷಗ್ಂ ಶಾಂ॒ತಂ ತದ್ವಾ॒ಯುನಾ॑ ಶಾಂ॒ತಂ ತನ್ಮೇ॑ ಶಾಂ॒ತಗ್ಂ ಶುಚಗ್ಂ॑ ಶಮಯತು । ದ್ಯೌಶ್ಶಾಂ॒ತಾ॒ ಸಾದಿ॒ತ್ಯೇನ॑ ಶಾಂ॒ತಾ ಸಾ ಮೇ॑ ಶಾಂ॒ತಾ ಶುಚಗ್ಂ॑ ಶಮಯತು ।
ಪೃ॒ಥಿ॒ವೀ ಶಾಂತಿ॑ರಂ॒ತರಿ॑ಕ್ಷ॒ಗ್ಂ॒ ಶಾಂತಿ॒ರ್-ದ್ಯೌ-ಶ್ಶಾಂತಿ॒ರ್-ದಿಶ॒-ಶ್ಶಾಂತಿ॑-ರವಾಂತರದಿ॒ಶಾ-ಶ್ಶಾಂತಿ॑ ರ॒ಗ್ನಿ-ಶ್ಶಾಂತಿ॑ರ್-ವಾ॒ಯು-ಶ್ಶಾಂತಿ॑-ರಾದಿ॒ತ್ಯ-ಶ್ಶಾಂತಿ॑-ಶ್ಚಂದ್ರ॒ಮಾ॒-ಶ್ಶಾಂತಿ॒ರ್-ನಕ್ಷ॑ತ್ರಾಣಿ॒-ಶ್ಶಾಂತಿ ರಾಪ॒ಶ್ಶಾಂತಿ॒-ರೋಷ॑ಧಯ॒-ಶ್ಶಾಂತಿ॒ರ್-ವನ॒ಸ್ಪತ॑ಯ॒-ಶ್ಶಾಂತಿ॒ರ್-ಗೌ॑-ಶ್ಶಾಂತಿ॑-ರ॒ಜಾ-ಶಾಂತಿ-ರಶ್ವ॒-ಶ್ಶಾಂತಿಃ॒ ಪುರು॑ಷ॒-ಶ್ಶಾಂತಿ॒-ಬ್ರಹ್ಮ॒-ಶಾಂತಿ॑ರ್-ಬ್ರಾಹ್ಮ॒ಣ-ಶ್ಶಾಂತಿ-ಶಾಂತಿ॑-ರೇವ ಶಾಂತಿ-ಶಾಂತಿ॑-ರ್ಮೇ ಅಸ್ತು॒ ಶಾಂತಿಃ॑ ।
ತಯಾ॒ಹಗ್ಂ ಶಾನ್॒ತ್ಯಾ॒ ಸ॑ರ್ವಶಾಂ॒ತ್ಯಾ॒ ಮಹ್ಯಂ॑ ದ್ವಿ॒ಪದೇ॒ ಚತು॑ಷ್ಪದೇ ಚ॒ ಶಾಂತಿಂ॑ ಕರೋಮಿ ಶಾಂತಿ॑ರ್ಮೇ ಅಸ್ತು॒ ಶಾಂತಿಃ॑ ॥
ಏಹ॒ ಶ್ರೀಶ್ಚ॒ ಹ್ರೀಶ್ಚ॒ ಧೃತಿ॑ಶ್ಚ॒ ತಪೋ॑ ಮೇ॒ಧಾ ಪ್ರ॑ತಿ॒ಷ್ಠಾ ಶ್ರ॒ದ್ಧಾ ಸ॒ತ್ಯಂ ಧರ್ಮ॑ಶ್ಚೈ॒ತಾನಿ॒ ಮೋತ್ತಿ॑ಷ್ಠಂತ॒-ಮನೂತ್ತಿ॑ಷ್ಠಂತು॒ ಮಾ ಮಾ॒ಗ್॒ ಶ್ರೀಶ್ಚ॒ ಹ್ರೀಶ್ಚ॒ ಧೃತಿ॑ಶ್ಚ॒ ತಪೋ॑ ಮೇ॒ಧಾ ಪ್ರ॑ತಿ॒ಷ್ಠಾ ಶ್ರ॒ದ್ಧಾ ಸ॒ತ್ಯಂ ಧರ್ಮ॑ಶ್ಚೈ॒ತಾನಿ॑ ಮಾ॒ ಮಾ ಹಾ॑ಸಿಷುಃ ।
ಉದಾಯು॑ಷಾ ಸ್ವಾ॒ಯುಷೋದೋ॑ಷದೀನಾ॒ಗ್ಂ॒ ರಸೇ॒ನೋತ್ಪ॒ರ್ಜನ್ಯ॑ಸ್ಯ॒ ಶುಷ್ಮೇ॒ಣೋದಸ್ಥಾಮ॒ಮೃತಾ॒ಗ್ಂ॒ ಅನು॑ । ತಚ್ಚಕ್ಷು॑ರ್-ದೇ॒ವಹಿ॑ತಂ ಪು॒ರಸ್ತಾ᳚ಚ್ಚು॒ಕ್ರಮು॒ಚ್ಚರ॑ತ್ ।
ಪಶ್ಯೇ॑ಮ ಶ॒ರದ॑ಶ್ಶ॒ತಂ ಜೀವೇ॑ಮ ಶ॒ರದ॑ಶ್ಶ॒ತಂ ನಂದಾ॑ಮ ಶ॒ರದ॑ಶ್ಶ॒ತಂ ಮೋದಾ॑ಮ ಶ॒ರದ॑ಶ್ಶ॒ತಂ ಭವಾ॑ಮ ಶ॒ರದ॑ಶ್ಶ॒ತಗ್ಂ ಶೃ॒ಣವಾ॑ಮ ಶ॒ರದ॑ಶ್ಶ॒ತಂ ಪಬ್ರ॑ವಾಮ ಶ॒ರದ॑ಶ್ಶ॒ತಮಜೀ॑ತಾಸ್ಯಾಮ ಶ॒ರದ॑ಶ್ಶ॒ತಂ ಜೋಕ್ಚ॒ ಸೂರ್ಯಂ॑ ದೃ॒ಶೇ ।
ಯ ಉದ॑ಗಾನ್ಮಹ॒ತೋಽರ್ಣವಾ᳚-ದ್ವಿ॒ಭ್ರಾಜ॑ಮಾನಸ್ಸರಿ॒ರಸ್ಯ॒ ಮಧ್ಯಾ॒ಥ್ಸಮಾ॑ ವೃಷ॒ಭೋ ಲೋ॑ಹಿತಾ॒ಕ್ಷಸೂರ್ಯೋ॑ ವಿಪ॒ಶ್ಚಿನ್ಮನ॑ಸಾ ಪುನಾತು ॥
ಬ್ರಹ್ಮ॑ಣ॒ಶ್ಚೋತ॒ನ್ಯಸಿ॒ ಬ್ರಹ್ಮ॑ಣ ಆ॒ಣೀಸ್ಥೋ॒ ಬ್ರಾಹ್ಮ॑ಣ ಆ॒ವಪ॑ನಮಸಿ ಧಾರಿ॒ತೇಯಂ ಪೃ॑ಥಿ॒ವೀ ಬ್ರಹ್ಮ॑ಣಾ ಮ॒ಹೀ ದಾ॑ರಿ॒ತಮೇ॑ನೇನ ಮ॒ಹದನ್॒ತರಿ॑ಕ್ಷಂ॒ ದಿವಂ॑ ದಾಧಾರ ಪೃಥಿ॒ವೀಗ್ಂ ಸದೇವಾಂ॒-ಯಁದ॒ಹಂ-ವೇಁದ॒ ತದ॒ಹಂ ಧಾ॑ರಯಾಣಿ॒ ಮಾಮದ್ವೇದೋಽಥಿ॒ ವಿಸ್ರ॑ಸತ್ ।
ಮೇ॒ಧಾ॒ಮ॒ನೀ॒ಷೇ ಮಾವಿ॒ಶತಾಗ್ಂ ಸ॒ಮೀಚೀ॑ ಭೂ॒ತಸ್ಯ॒ ಭವ್ಯ॒ಸ್ಯಾವ॑ರುಧ್ಯೈ॒ ಸರ್ವ॒ಮಾಯು॑ರಯಾಣಿ॒ ಸರ್ವ॒ಮಾಯು॑ರಯಾಣಿ ।
ಆ॒ಭಿರ್ಗೀ॒ರ್ಭಿ-ರ್ಯದತೋ॑ನ ಊ॒ನಮಾಪ್ಯಾ॑ಯಯ ಹರಿವೋ॒ ವರ್ಧ॑ಮಾನಃ । ಯ॒ದಾ ಸ್ತೋ॒ತೃಭ್ಯೋ॒ ಮಹಿ॑ ಗೋ॒ತ್ರಾ ರು॒ಜಾಸಿ॑ ಭೂಯಿಷ್ಠ॒ಭಾಜೋ॒ ಅಧ॑ ತೇ ಸ್ಯಾಮ । ಬ್ರಹ್ಮ॒ ಪ್ರಾವಾ॑ದಿಷ್ಮ॒ ತನ್ನೋ॒ ಮಾ ಹಾ॑ಸೀತ್ ॥
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
ಓಂ ಸಂ ತ್ವಾ॑ ಸಿಂಚಾಮಿ॒ ಯಜು॑ಷಾ ಪ್ರ॒ಜಾಮಾಯು॒ರ್ಧನಂ॑ ಚ ॥
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
ಓಂ ಶಂ ನೋ॑ ಮಿ॒ತ್ರಃ ಶಂ-ವಁರು॑ಣಃ । ಶಂ ನೋ॑ ಭವತ್ವರ್ಯ॒ಮಾ । ಶಂ ನ॒ ಇಂದ್ರೋ॒ ಬೃಹ॒ಸ್ಪತಿಃ॑ । ಶಂ ನೋ॒ ವಿಷ್ಣು॑ರುರುಕ್ರ॒ಮಃ । ನಮೋ॒ ಬ್ರಹ್ಮ॑ಣೇ । ನಮ॑ಸ್ತೇ ವಾಯೋ । ತ್ವಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮಾ॑ಸಿ । ತ್ವಾಮೇ॒ವ ಪ್ರ॒ತ್ಯಕ್ಷಂ॒ ಬ್ರಹ್ಮ॑ ವದಿಷ್ಯಾಮಿ । ಋ॒ತಂ-ವಁ॑ದಿಷ್ಯಾಮಿ । ಸ॒ತ್ಯಂ-ವಁ॑ದಿಷ್ಯಾಮಿ । ತನ್ಮಾಮ॑ವತು । ತದ್ವ॒ಕ್ತಾರ॑ಮವತು । ಅವ॑ತು॒ ಮಾಮ್ । ಅವ॑ತು ವ॒ಕ್ತಾರಂ᳚ ॥
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
ಓಂ ತಚ್ಛಂ॒-ಯೋಁರಾವೃ॑ಣೀಮಹೇ । ಗಾ॒ತುಂ-ಯಁ॒ಜ್ಞಾಯ॑ । ಗಾ॒ತುಂ-ಯಁ॒ಜ್ಞಪ॑ತಯೇ । ದೈವೀ᳚ ಸ್ವ॒ಸ್ತಿರ॑ಸ್ತು ನಃ । ಸ್ವ॒ಸ್ತಿರ್-ಮಾನು॑ಷೇಭ್ಯಃ । ಊ॒ರ್ಧ್ವಂ ಜಿ॑ಗಾತು ಭೇಷ॒ಜಮ್ । ಶಂ ನೋ॑ ಅಸ್ತು ದ್ವಿ॒ಪದೇ᳚ । ಶಂ ಚತು॒ಷ್ಪದೇ ।
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
ಓಂ ಸ॒ಹ ನಾ॑ ವವತು । ಸ॒ಹ ನೌ॑ ಭುನಕ್ತು । ಸ॒ಹ ವೀ॒ರ್ಯಂ॑ ಕರವಾವಹೈ । ತೇ॒ಜ॒ಸ್ವಿನಾ॒ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ ॥ (3)
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥ (3)
CLICK HERE TO DOWNLOAD – Shanti Mantra In Kannada PDF
READ THIS ALSO – Renuka Devi Stotram In Kannada
